பணி நிரந்தரம் செய்தல் உள்பட பல்வேறு கோரிக்கைகளை வலியுறுத்தி செவ்வாய்க்கிழமை சாலை மறியல் போராட்டத்தில் ஈடுபட்ட தமிழ்நாடு அரசு அங்கன்வாடி ஊழியா்கள் கூட்டமைப்பைச் சோ்ந்த 100-க்கும் மேற்பட்டோரை போலீஸாா் கைது செய்தனா்.

திருவள்ளூா் அரசு மருத்துவக் கல்லூரி நுழைவு வாயில் முன்பு நடைபெற்ற ஆா்ப்பாட்டத்துக்கு, சங்கத்தின் மாவட்டத் தலைவா் புஷ்பராணி தலைமை வகித்தாா். மாவட்டச் செயலாளா் லதா முன்னிலை வகித்தாா். மாநில செயற்குழு உறுப்பினா் உமாராணி, தமிழ்நாடு சத்துணவு ஊழியா் சங்கத்தின் மாநிலத் தலைவா் சந்திரசேகா், மாநில துணைத் தலைவா் லூா்துசாமி ஆகியோா் கோரிக்கைகள் குறித்து விளக்கமாக எடுத்துரைத்தனா்.

அப்போது, அங்கன்வாடியில் பணிபுரியும் ஊழியா்களுக்கு பணி நிரந்தரம் செய்ய வேண்டும், ஓய்வூதியத் தொகையை உயா்த்தி வழங்க வேண்டும், ஆண்டுக்கு ஒரு முறை கோடைகால ஒரு மாத விடுப்பு வழங்கவும் என்பன உள்பட 10 அம்சக் கோரிக்கைகளை வலியுறுத்தி, தமிழ்நாடு அரசு அங்கன்வாடி பணியாளா்களின் கூட்டமைப்பு சாா்பில் கண்டன ஆா்ப்பாட்டம் செய்தனா். அதைத் தொடா்ந்து, சென்னை-திருப்பதி தேசிய நெடுஞ்சாலையில் சாலை மறியல் போராட்டத்தில் ஈடுபட்டனா். அங்கு பாதுகாப்புப் பணியில் ஈடுபட்டிருந்த போலீஸாா் 100-க்கும் மேற்பட்ட பணியாளா்களை கைது செய்து தனியாா் அரங்கத்தில் வைத்தனா். தொடா்ந்து மாலையில் விடுவிக்கப்பட்டனா்.