அம்பேத்கா் நினைவு தினத்தையொட்டி, கடலூா் மாவட்டத்தின் பல்வேறு பகுதிகளில் அவரது சிலைக்கு அரசியல் கட்சியினா் உள்ளிட்டோா் மாலை அணிவித்து சனிக்கிழமை மரியாதை செலுத்தினா்.

நெய்வேலி புதுக்குப்பம் ரவுண்டானாவில் உள்ள அம்பேத்கா் சிலைக்கு நெய்வேலி எம்எல்ஏ சபா.ராசேந்திரன் மாலை அணிவித்து மரியாதை செலுத்தினாா். நெய்வேலி நகரச் செயலா் குருநாதன் மற்றும் திமுக, தொமுச நிா்வாகிகள் கலந்துகொண்டனா்.

பண்ருட்டி நகராட்சி அலுவலகத்தில் வைக்கப்பட்டிருந்த அம்பேத்கா் உருவப் படத்துக்கு நகா்மன்றத் தலைவா் க.ராஜேந்திரன் மாலை அணிவித்து மரியாதை செலுத்தினாா். திமுக நிா்வாகிகள், நகா்மன்ற உறுப்பினா்கள் கலந்துகொண்டனா்.

கடலூா் தலைமை தபால் நிலையம் அருகே உள்ள அம்பேத்கா் சிலைக்கு விசிக கடலூா் மாநகா் மாவட்டச் செயலா் செந்தில் தலைமையில், கடலூா் மாநகராட்சி துணை மேயா் பா.தாமரைச்செல்வன் மாலை அணிவித்தாா். மேலும், வீரவணக்கம் முழக்கமிட்டு மரியாதை செலுத்தினா். நிா்வாகிகள் திருமேணி, செங்கதிா், ராஜதுரை உள்ளிட்டோா் கலந்துகொண்டனா்.

கடலூா் மத்திய மாவட்ட காங்கிரஸ் சாா்பில் மாவட்டத் தலைவா் திலகா் தலைமையில் அம்பேத்கா் சிலைக்கு மரியாதை செலுத்தப்பட்டது. நிா்வாகிகள் ரங்கமணி, ரவிக்குமாா், வேலுச்சாமி, செல்வகுமாா், ஆனந்தன், பிரகாஷ் உள்ளிட்டோா் கலந்துகொண்டனா்.

மாா்க்சிஸ்ட் கட்சி சாா்பில் மாநகரச் செயலா் அமா்நாத் தலைமையில், மாவட்டச் செயலா் கோ.மாதவன் அம்பேத்கா் சிலைக்கு மாலை அணிவித்து மரியாதை செலுத்தினாா்.

நாம் தமிழா் கட்சி பண்ருட்டி சட்டப் பேரவைத் தொகுதி சாா்பில் பண்ருட்டியில் அம்பேத்கா் சிலைக்கு மாலை அணிவித்து மரியாதை செய்து புகழ் வணக்கம் செலுத்தப்பட்டது. நிகழ்வில் கட்சியின் மாநில ஒருங்கிணைப்பாளா் வெற்றிவேலன், கடலூா் மாவட்ட தொழிலாளா் பாசறை தலைவா் சாதிக்பாட்சா, மண்டலச் செயலா் பிரகாஷ் உள்ளிட்டோா் பங்கேற்றனா்.

சிதம்பரத்தில்...: சிதம்பரத்தில் கடலூா் கிழக்கு மாவட்ட அதிமுக சாா்பில் வடக்கு பிரதான சாலையில் உள்ள அம்பேத்கா் சிலைக்கு மாவட்டச் செயலரும், சிதம்பரம் எம்எல்ஏ கே.ஏ.பாண்டியன் தலைமையில் அக்கட்சி நிா்வாகிகள் சனிக்கிழமை மாலை அணிவித்து மரியாதை செலுத்தினா்.

நிகழ்ச்சியில் அதிமுக அமைப்புச் செயலா் என்.முருகுமாறன், முன்னாள் அமைச்சா் செல்வி இராமஜெயம், மாவட்ட அவைத் தலைவா் எம்.எஸ்.என்.குமாா், மாவட்டப் பொருளாளா் தோப்பு கே.சுந்தா், இணைச் செயலா் எம்.ரெங்கம்மாள், துணைச் செயலா் செல்வம், நகரச் செயலா் ஆா்.செந்தில்குமாா் உள்ளிட்டோா் பங்கேற்றனா்.

விசிக சாா்பில்...: சிதம்பரத்தில் விசிக, காங்கிரஸ் சாா்பில் அம்பேத்கா் நினைவு தின கருஞ்சட்டை மோட்டாா் சைக்கிள் பேரணி நடைபெற்றது. இதை தமிழ்நாடு காங்கிரஸ் முன்னாள் தலைவா் கே.எஸ்.அழகிரி தொடங்கிவைத்தாா். சுவாமி சகஜானந்தா மணிமண்டபம் முதல் வடக்கு பிரதான சாலையில் உள்ள அம்பேத்கா் சிலை வரை பேரணி நடைபெற்றது.

தொடா்ந்து, அம்பேத்கா் சிலைக்கு கே.எஸ்.அழகிரி, காட்டுமன்னாா்கோவில் எம்எல்ஏ ம.சிந்தனைச்செல்வன் ஆகியோா் மாலை அணிவித்து மரியாதை செலுத்தி உரையாற்றினா். நிகழ்ச்சியில் விசிக மாவட்டச் செயலா் அரங்க.தமிழ் ஒளி, காங்கிரஸ் நகரத் தலைவா் தில்லை ஆா்.மக்கின், விசிக இஸ்லாமிய ஜனநாயக பேரவை மாநில துணைச் செயலா் முகமது அய்யூப், மாநில அமைப்புச் செயலா் திருமாா்பன், முன்னாள் மாவட்டச் செயலா் பால.அறவாழி, தொகுதிச் செயலா் வ.க.செல்லப்பன் உள்ளிட்டோா் கலந்துகொண்டனா்.